Posts

Улаан дарсны нялуун амтыг Чинийхээ амнаас би хүртье Чимээгүй минийхээ хүслийг биелүүлээрэй Уянгын хөгжмийн хөг аясаар  Өмнө чинь би хөдлөн бүжиглье Чимээгүй намайгаан хантлаа ажаарай Улам чинийхээ хүслийг бадрааж Ууж байгаа дарсанд чинь  хамтдаа согтьё Биеийг минь барьсан чисс улаан даашинзны цаадхыг Нүдээ анин нүцгэнээр минь нэг төсөөлээрэй Уур амьсгал хоёр улам давхцаж Нэгэнт чи минь ухаангүй болжээ  Зүрх сэтгэл хоёр улам лугшиж  Хүлгийн жолоо нэгэнт алдагджээ  Үгүй хайрт минь түр азна Үтэр түргэн битгий яар Үнсэлтийн чинь амтыг хараахан мэдрээгүй байна би Хүлээ хайрт минь хүлээ Чинийхээ өмнө нүгэлтэн болж  Чармай нүцгэн биеийг минь эхлээд хар  Нууцханаар минь одоо хөгжим тоглож  Нялуун хөгөөр чамайгаан өдье  Одоо хайрт минь яг одоо энэ хөгжмийг хамт тоглоцгооё Харин чи минь надтайгаан тоглоход бэлэн үү? 
Улаанбаатар хот 2018.03.19





Өнөөдөр ижийгээ хачин ихээр санаж байна
Санан санан бэтгэрсэн энэхэн сэтгэлээ
Ижийн уяахан дуугаар тайтгаруулж
Бүлээхэн нулимс минь бөн бөн хацар даган урсаж байна
Өнөөдөр таныгаан хачин ихээр санаж байна
Хүндхэн санаа алдан таныгаан бодон байна бүүвэй бүүвэй
Үе үехэн таныхаан энгэрт
Нялхаран нялхаран эрхлэн
Хантлаа дахин дахин үнэрлүүлэхсэндээ
Халуун дулаан энгэр тань тэврүүлэхсэндээ хурай хурай
Тэр мөчид би дэлхийн хамгийн жаргалтай бүсгүй болноо хурай хурай

11.03.2017  Улаанбаатар хот

Толгой дээр минь түмэн бодлын мод ургажээ нэг салаа мөчирт өдөрт хэдэн мянган шар навч дэлбээлнэ Үй түмэн навчханууд дотроос тэс өөр өнгө хааяхан нэг гарна Өнгө өнгө нь миний сэтгэлийн өнгө  Ногоон өнгө нь аз жаргал минь  Улаан өнгө хүсэл тачаал Тэр дундаас хүрэн улаан навч байх аваас  тэр нь уур хилэнг минь билэгдэх болно Гуниж гутрах аваас навч минь тэр дороо шаргал болон гандна Харин нүднээс минь сувд гарахад  шар навчхан минь тээр доор найган унана Ай хөөрхий бодлын мод минь чи яасан их навчтай болоо вэ?  Дахиад нэг навч ургажээ...дахиад нэг              Улаан бас шар....


2018.01.14 Улаанбаатар хот
Өөртөө бичсэн шүлэг

Турьхан мөрхөн чи бидэн хоёрт
Туулах зам тунч урт байна даа
Хуруухан чинээ үрээ үүрээд би явна даа
Өчигдрийг тэнд нь үдэж орхиод
Өөдөөс чинь би алхаж явна ирээдүй минь
Хааяхан чимээгүй мигших өдөр  өнгөрнө бас ирнэ
Хэлээ тас зуугаад тэгэх тусам нь сөрнө 
Санаа алдах гунихрах өдрүүд өнгөрсөөр бас өнгөрнө
Итгэл, инээмсэглэлээр түүнийг давна
Амьдрал нэгэн хэвийн үргэлжлэхгүй болохоор
Аяа сайхан амьдрал минь, үр бидэн хоёр нь тун удахгүй очно хараарай.

 бичсэн 2016.06.03  Берлин хот


Ich bin an der Ostsee
und fühl mich kalt und leer
wie das blaue Meer
Du bist so schön und frei
So will ich auch sein
Du bist nicht mehr da
es ist mir schon klar
Ein Mann der mich liebte
ging ganz weit weg und fort
Es ist still hier und schwer
Vielleicht bist du irgendwo in einen Dorf.
wenn ich dich Wiedersehen
Werde ich  nicht die selbe sein
wie ich früher war.



Чамайг би чинь мэдмээр байна
Чангаас чанга сонсмоор байна
Чимээгүй ертөнцтэй чинь танилцмаар байна
Чихэнд минь чи минь шивнээрэй
Нууцхан ертөнцөөр нь аялмаар байна
Намайг хөтлөөд цуг аялаарай
Сониучхан занг минь хөдөлгөөд байна
Соргогхон ухаанаараа намайг татаад байна уу
Сэтгэлийг минь хэт гижигдээд байна
Сэм сэмхэн өөрлүүгээ дөхүүлээд байна уу
Дүрсгүйхэн зангаараа наадаж
Намайг чи өөрийн болгомоор байна уу

12.04.2016  Берлин хотод
зүгээр л явахгүйдээ чи минь  
зүггүйтэж бас зүүдэнд минь орж зүрхийг минь дахин шархлуулдаг нь юув саллаа ч гэсэндээ чи минь саарал амьдралын минь сүүдэр нь биш өнгө нь болохгүй явдаа хайрт минь